Møreforskar Gro Marit Grimsrud har forska på flyttemønster i Nord-Gudbrandsdal, og slår fast at ungdom flyttar ut for å ta utdanning. Etterpå er det tilfeldig kvar dei hamnar.
Avisa Gudbrandsdølen Dagningen har samla 5 av dei som gjekk ut av 9.klasse i 1989 og som busette seg i heimkommunen, for å illustrere forskinga Grimsrud gjorde på dette kullet. 3 av 5 har overteke familiegarden.
Grimsrud peikar på at det er berre 1 av 5 som ser ut til å ha eit bevisst forhold til kvar dei vel å busette seg. Dette gjeld om vi ser bort frå dei som tek over ein gard.
Dei viktigaste faktorane for å gjere eit bevisst val er
- nærheit til familie
- mulegheiter til jobb
- bustad
For dei aller fleste er det tilfeldigheitene som rår når dei vel ein stad å slå seg ned etter studiane. Og ofte er det hjartet som styrer.
