Kommunane har i dag eit avgrensa lovregulert ansvar for arbeidsinnvandrarar. Rapporten viser at det er store variasjonar i kva grad kommunane arbeider med tanke på område som informasjon, rekruttering, kvalifisering og integrering av arbeidsinnvandrarar. Mange har kome kort i dette arbeidet med å legge til rette for å kunne ha full nytte av den ressursen arbeidsinnvandrarar kan representere. Nokre kommunar har derimot kome lengre, ikkje minst relativt små kommunar med stort behov for rekruttering av arbeidskraft og nye innbyggjarar.