Evaluering av modeller for fysisk aktivitet, røykeslutt og sunt kosthold

Gjennom ordninga ”Grøn resept” har legane sidan 2003 hatt ein eigen takst for å stimulere dei til drive meir rettleiing om endring av levevanar. På basis av erfaringar med denne ordninga såg Helsedirektoratet behov for å utvikle lågterskeltiltak for grupper med behov for eiga oppfølging for å kome i gang med endring av levevanar. Fem fylke fekk i 2005 midlar frå direktoratet til å utvikle slike lågterskeltiltak med tilhøyrande oppfølgingstiltak for aktuelle brukarar. Gjennom evalueringa blir det sett på det utviklingsarbeidet som har vore gjort i forhold til å organisere, forankre og implementere dei aktuelle modellane. Vidare ser ein på dei erfaringane ein har gjort med modellane, ikkje minst sett frå brukarsida. Utviklingsarbeidet omfattar i alt 32 kommunar fordelt på fem fylke.