Ordninga med Møremusikarane har vore verksam sidan 1990. Møreforsking har evaluert ordninga. Evalueringa viser at det er brei semje om at Møremusikarane har medverka til å møte fleire av dei behov og utfordringar som musikklivet i Møre og Romsdal hadde ved inngangen til 1990-talet. Tilbakemeldingane i evalueringa peiker i retning av at ordninga har gitt kvalitetsheving til ulike delar av musikklivet i fylket. Samstundes er det behov for å vidareutvikle sider ved ordninga. Det kan vere behov for ein meir overordna debatt rundt målsetjinga for ordninga, der ein vurderer den i forhold til den oppbygginga og det innhaldet musikklivet i fylket har sytten år etter at Møremusikarane vart etablert som ordning.
