Næringsretta midlar for regional utvikling, kompensasjon for auka arbeidsgjevaravgift. Oppsummering frå samlingar i 2007

Næringsretta utviklingstiltak er ei særmerka ordning i høve regionalt utviklingsarbeid samanlikna med andre verkemiddelordningar både i Noreg og i ein nordisk samanheng. Dette fordi denne ordninga representerer store løyvingar til regionalt nivå, kriteria for bruken av midlane er relativt generelle og fridomen er stor i høve lokal organisering og val av arbeidsformer. I tillegg har haldninga frå sentrale myndigheiter vore at dette er ”næringslivet sine eigne pengar”.