Kartlegginga er ledd i oppfølginga av departementet sin tiltaksplan "Gi rom for lesing!" og skal kartlegge kompetanse i bruk av skulebibliotek, tilgjenge og korleis skulebiblioteket vert brukt av elevar og lærarar.
Arbeidet vart gjennomført som ei representativ breiddegransking av skulebibliotek i grunnskule og vidaregåande opplæring der både skuleleiarar, skulebibliotekansvarlege, lærarar og elevar vart gjeve høve til å delta. Vidare vart det gjennomført ein djupnestudie av eit mindre utval skulebibliotek.
Sentrale problemstillingar som vert drøfte i rapporten er m.a.:
Faktisk situasjon for skulebiblioteka, bemanning, kompetanse m.v.
Bruk av skulebibliotek – korleis gjer ulike grupper seg nytte av det, i kva grad dekkjer det behova?
Biblioteket sine roller. Ulike roller for ulike brukarar?
Kompetanse i bruk av skolebibliotek.
Opplæring av ulike brukargrupper.
Læreplanen si betydning.
Biblioteket sin plass i det pedagogiske landskapet.
Planlegging som verkemiddel for å utvikle biblioteket.
Resultata er meint å gå inn i arbeidet med vidare utvikling av tiltak og aktivitetar både nasjonalt og lokalt.
