"Levende Skog" er ein samarbeidsprosess som bringer saman aktørar med tradisjonelt sett konfliktfylte syn på bruk og miljøvern i skogbruket. "Levende Skog" var "det norske case" av i overkant av 20 case frå 10 ulike land i Europa, i det internasjonale forskingsprosjektet GoFOR - New Modes of Governance for Sustainable Forestry in Europe ved Møreforsking i Volda. Det mest spesielle kjennetegnet ved prosessen, var det store talet på deltagande aktørar som blei involvert i politikkdanninga innan skogbruket. På det meste så var meir enn 150 mennesker involvert gjennom ulike arbeidsgrupper. Likevel var ikkje prosessen så åpen at aktører blei invitert til å delta på arenaer der vedtaka blei fatta. Ulempen med denne typen prosess, blei sagt å være at den var veldig tidkrevande, og at aktørane som deltok stilte med veldig ulike utgangspunkt, både med tanke på kompetanse og økonomi.
